ଆୟୁଷ୍ମାନ ଭାରତ ଡିଜିଟାଲ୍ ମିଶନ୍ (ଏବିଡିଏମ୍‌) ପାଇଁ ଏନଏଚଏ ଅନଲାଇନ୍ ପବ୍ଲିକ୍ ଡ୍ୟାସବୋର୍ଡ ର ଶୁଭାରମ୍ଭ କରିଛି

ଆୟୁଷ୍ମାନ ଭାରତ ଡିଜିଟାଲ୍ ମିଶନ୍ (ଏବିଡିଏମ୍) ର ଫ୍ଲାଗସିପ୍ ସ୍କିମ୍ ଅଧୀନରେ ଜାତୀୟ ସ୍ୱାସ୍ଥ୍ୟ ପ୍ରାଧିକରଣ (ଏନଏଚଏ) ଏହି ଯୋଜନା ବିଷୟରେ ପ୍ରକୃତ ସମୟର ସୂଚନା ପାଇଁ ଏକ ସାର୍ବଜନୀନ ଡ୍ୟାସବୋର୍ଡ ଶୁଭାରମ୍ଭ କରିଛି। ଏବିଡିଏମ୍‌ ସାର୍ବଜନୀନ ଡ୍ୟାସବୋର୍ଡ ମିଶନ ଅନ୍ତର୍ଗତ କୋର ରେଜିଷ୍ଟ୍ରିଗୁଡ଼ିକ ଉପରେ ବିସ୍ତୃତ ସୂଚନା ପ୍ରଦର୍ଶିତ କରେ – ଯଥା ଆୟୁଷ୍ମାନ ଭାରତ ସ୍ୱାସ୍ଥ୍ୟ ଆକାଉଣ୍ଟ (ଏବିଏଚଏ) ନମ୍ବର, ହେଲଥ କେୟାର ପ୍ରଫେସନାଲ୍ ରେଜିଷ୍ଟ୍ରି (ଏଚପିଆର) ଏବଂ ସ୍ୱାସ୍ଥ୍ୟ ସୁବିଧା ରେଜିଷ୍ଟ୍ରି (ଏଚଏଫଆର)।

ଆୟୁଷ୍ମାନ ଭାରତ ଡିଜିଟାଲ୍ ମିଶନ୍ (ଏବିଡିଏମ୍) ର ଫ୍ଲାଗସିପ୍ ସ୍କିମ୍ ଅଧୀନରେ ଜାତୀୟ ସ୍ୱାସ୍ଥ୍ୟ ପ୍ରାଧିକରଣ (ଏନଏଚଏ) ଏହି ଯୋଜନା ବିଷୟରେ ପ୍ରକୃତ ସମୟର ସୂଚନା ପାଇଁ ଏକ ସାର୍ବଜନୀନ ଡ୍ୟାସବୋର୍ଡ ଶୁଭାରମ୍ଭ କରିଛି। ଏବିଡିଏମ୍‌ ସାର୍ବଜନୀନ ଡ୍ୟାସବୋର୍ଡ ମିଶନ ଅନ୍ତର୍ଗତ କୋର ରେଜିଷ୍ଟ୍ରିଗୁଡ଼ିକ ଉପରେ ବିସ୍ତୃତ ସୂଚନା ପ୍ରଦର୍ଶିତ କରେ – ଯଥା ଆୟୁଷ୍ମାନ ଭାରତ ସ୍ୱାସ୍ଥ୍ୟ ଆକାଉଣ୍ଟ (ଏବିଏଚଏ) ନମ୍ବର, ହେଲଥ କେୟାର ପ୍ରଫେସନାଲ୍ ରେଜିଷ୍ଟ୍ରି (ଏଚପିଆର) ଏବଂ ସ୍ୱାସ୍ଥ୍ୟ ସୁବିଧା ରେଜିଷ୍ଟ୍ରି (ଏଚଏଫଆର)।

ଡ୍ୟାସବୋର୍ଡ ଅନୁଯାୟୀ, 30 ମଇ 2022 ସୁଦ୍ଧା, ସୃଷ୍ଟି ହୋଇଥିବା ଏବିଏଚଏ ର ସଂଖ୍ୟା (ପୂର୍ବରୁ ସ୍ୱାସ୍ଥ୍ୟ ଆଇଡି ଭାବରେ ଜଣାଶୁଣା) ହେଉଛି 22.1 କୋଟି, 16.6 ହଜାରରୁ ଅଧିକ ସ୍ୱାସ୍ଥ୍ୟ ସେବା ବିଶେଷଜ୍ଞ ଏଚପିଆର ରେ ପଞ୍ଜୀକୃତ ହୋଇଛନ୍ତି, 69.4 ହଜାରରୁ ଅଧିକ ସ୍ୱାସ୍ଥ୍ୟ ସୁବିଧା ଏଚଏଫଆର ରେ ପଞ୍ଜୀକୃତ ହୋଇଛି | ଉପଭୋକ୍ତାମାନଙ୍କ ଦ୍ବାରା 1.8 ଲକ୍ଷରୁ ଅଧିକ ସ୍ୱାସ୍ଥ୍ୟ ରେକର୍ଡ ଲିଙ୍କ୍ ହୋଇଛି ଏବଂ ସମ୍ପ୍ରତି ନବୀକରଣ ହୋଇଥିବା ଏବିଏଚଏ ଆପ୍ 5.1 ଲକ୍ଷ ଡାଉନଲୋଡ୍ ଅତିକ୍ରମ କରିଛି।

ସମସ୍ତ ହିତାଧିକାରୀମାନେ ସହଜରେ ଏବିଡିଏମ୍ ୱେବସାଇଟରୁ କିମ୍ବା ସିଧାସଳଖ ଏଠାରେ ଏବିଡିଏମ୍ ସାର୍ବଜନୀନ ଡ୍ୟାସବୋର୍ଡକୁ ପ୍ରବେଶ କରିପାରିବେ: https://dashboard.abdm.gov.in/abdm/। ଡ୍ୟାସବୋର୍ଡରେ ଏବିଏଚ୍‌ ଜେନେରେଟ୍ ସଂଖ୍ୟା, ଡାକ୍ତର, ନର୍ସ ଇତ୍ୟାଦି ପଞ୍ଜୀକୃତ ସ୍ବାସ୍ଥ୍ୟ ବୃତ୍ତିଗତଙ୍କ ସଂଖ୍ୟା, ଏବିଏଚଏ ସହିତ ସଂଯୁକ୍ତ ଡିଜିଟାଲ୍ ସ୍ୱାସ୍ଥ୍ୟ ରେକର୍ଡ ସମ୍ବନ୍ଧୀୟ ତଥ୍ୟ ରଖାଯାଇଛି। ଡ୍ୟାସବୋର୍ଡରେ ଦୈନିକ ପଞ୍ଜୀକୃତ ହେବା ସହିତ ଆଜି ପର୍ଯ୍ୟନ୍ତ ସଂଗୃହିତ ସ୍ବାସ୍ଥ୍ୟ ସୁବିଧା ଯଥା ଡାକ୍ତରଖାନା, ଲାବୋରେଟୋରୀ ଇତ୍ୟାଦି ସମ୍ବନ୍ଧରେ ଗ୍ରାନୁଲାର୍ ବିବରଣୀ ରହିଛି । ଆହୁରି ମଧ୍ୟ, ଏବିଏଚଏ ଜେନେରେସନର ପାର୍ଟନରୱାରି ତଥ୍ୟ ସୃଷ୍ଟି ଏବଂ ଲିଙ୍କ୍ ହୋଇଥିବା ଡିଜିଟାଲ୍ ସ୍ୱାସ୍ଥ୍ୟ ରେକର୍ଡଗୁଡିକ ରିଅଲ୍ ଟାଇମ୍ ରେ ଉପଲବ୍ଧ। ଏହି ତଥ୍ୟକୁ ଆହୁରି ଅନେକ ମୁଖ୍ୟ ଉପାଦାନରେ ବିଭକ୍ତ କରାଯାଇଛି ଯାହାକି ନିର୍ଦ୍ଦିଷ୍ଟ କ୍ଷେତ୍ରରେ ଯୋଜନାର ଅଗ୍ରଗତି ଉପରେ ଅପଡେଟ୍ ପ୍ରଦାନ କରିଥାଏ।

ପବ୍ଲିକ୍ ଡ୍ୟାସବୋର୍ଡ ପଛରେ ଥିବା ଉଦ୍ଦେଶ୍ୟ ଉପରେ ସୂଚନା ପ୍ରଦାନ କରି ଡା. ଆର.ଏସ. ଶର୍ମା, ସିଇଓ, ଏନଏଚଏ କହିଛନ୍ତି – “ଏବିଡିଏମ୍‌ ସୁଗମ୍ୟତା, ସ୍ୱଚ୍ଛତା, ଅନ୍ତର୍ଭୂକ୍ତତା ଏବଂ ଆନ୍ତଃ କାର୍ଯ୍ୟକ୍ଷମତା ନୀତି ଉପରେ ନିର୍ମିତ | ଏବିଡିଏମ୍‌ ସାର୍ବଜନୀନ ଡ୍ୟାସବୋର୍ଡ ସ୍କିମ୍ ସହିତ ଜଡିତ ଅପଡେଟ୍‌ ହୋଇଥିବା ସୂଚନାକୁ ସର୍ବସାଧାରଣ ଡୋମେନରେ ରଖିଥାଏ ଯାହା ନିଶ୍ଚିତ କରେ ଯେ ସମସ୍ତ ହିତାଧିକାରୀ ଏକ ସ୍ୱଚ୍ଛ ଢଙ୍ଗରେ ତଥ୍ୟ ପାଇପାରିବେ। ଏହା ମଧ୍ୟ ଏବିଡିଏମ୍‌ ଇକୋସିଷ୍ଟମ୍ ପାର୍ଟନରଙ୍କ ଦ୍ବାରା ଅଗ୍ରଗତିର ଏକ ସ୍ପଷ୍ଟ ଚିତ୍ର ପ୍ରଦାନ କରିଥାଏ କାରଣ ଆମେ ବିଭିନ୍ନ ପାର୍ଟନରଙ୍କ ଦ୍ବାରା ସୃଷ୍ଟି ହୋଇଥିବା ଏବିଏଚ୍‌ଏ ର ସଂଖ୍ୟା ତଥା ପ୍ଲାଟଫର୍ମ-ୱାରୀ ଲିଙ୍କ୍ ହୋଇଥିବା ସ୍ୱାସ୍ଥ୍ୟ ରେକର୍ଡ ସଂଖ୍ୟାକୁ ଅନ୍ତର୍ଭୁକ୍ତ କରିଛୁ।”

ଏବିଡିଏମ୍‌ ସାର୍ବଜନୀନ ଡ୍ୟାସବୋର୍ଡ ଜାତୀୟ ତଥା ରାଜ୍ୟ / କେନ୍ଦ୍ର ଶାସିତ ଅଞ୍ଚଳ ସ୍ତରରେ ସୃଷ୍ଟି ହୋଇଥିବା ଏବିଏଚଏ ର ସଂଖ୍ୟାର ଏକ ସ୍ୱଚ୍ଛ ଦୃଶ୍ୟ ପ୍ରଦାନ କରେ | ଲିଙ୍ଗ ଏବଂ ବୟସ ଆଧାରରେ ସଂଖ୍ୟାଗୁଡିକ ଆହୁରି ପୃଥକ କରାଯାଇଛି | କୋୱିନ, ପିଏମଜେଏୱାଇ, ଆରୋଗ୍ୟ ସେତୁ, ଆନ୍ଧ୍ର ପ୍ରଦେଶ ସରକାର, ଇ-ସୁସୃତ ରେଲୱେ ହସ୍‌ପିଟାଲ୍‌ ଇତ୍ୟାଦି ଭଳି ଅନେକ ଲୋକପ୍ରିୟ ଡିଜିଟାଲ୍ ସ୍ୱାସ୍ଥ୍ୟ ଆପ୍ଲିକେସନ ମାଧ୍ୟମରେ ଏବିଏଚଏ ନମ୍ବର ଉତ୍ପାଦନ ସୁବିଧା ମଧ୍ୟ ଉପଲବ୍ଧ | ଏବିଡିଏମ୍‌ ଡ୍ୟାସବୋର୍ଡ ପ୍ରତ୍ୟେକ ଅଂଶୀଦାରଙ୍କ କାର୍ଯ୍ୟଦକ୍ଷତା ଏବଂ ପ୍ରତ୍ୟେକ ସହଭାଗୀ ଆପ୍ ଦ୍ୱାରା ସଂଯୁକ୍ତ ସ୍ୱାସ୍ଥ୍ୟ ରେକର୍ଡ ସଂଖ୍ୟା ମଧ୍ୟ ପ୍ରଦର୍ଶନ କରିଥାଏ।

ସ୍ବାସ୍ଥ୍ୟ ସୁବିଧା ରେଜିଷ୍ଟ୍ରି ପାଇଁ, ଡ୍ୟାସବୋର୍ଡ ମାଲିକାନା (ସରକାରୀ କିମ୍ବା ବେସରକାରୀ), ମେଡିସିନ୍ ସିଷ୍ଟମ (ଆଧୁନିକ ଚିକିତ୍ସା – ଆଲୋପାଥି, ଆୟୁର୍ବେଦ, ସୋୱା- ରିଗ୍ପା, ଫିଜିଓଥେରାପି, ୟୁନାନି, ଦନ୍ତ ଚିକିତ୍ସା, ସିଦ୍ଧ, ହୋମିଓପାଥି ଇତ୍ୟାଦି) ଉପରେ ଆଧାର କରି ଇନଫୋଗ୍ରାଫିକ୍ ଫର୍ମାଟରେ ତଥ୍ୟ ଉପସ୍ଥାପନ କରେ ଏବଂ ଏବିଡିଏମ୍ ଅଧୀନରେ ପଞ୍ଜୀକୃତ ରାଜ୍ୟ-ୱାରୀ ସୁବିଧା ମଧ୍ୟ ଏଥିରେ ସାମିଲ୍ ରହିଚି। ସେହିଭଳି, ଏଚପିଆର ପାଇଁ, ଡ୍ୟାସବୋର୍ଡ ସେମାନଙ୍କର ନିଯୁକ୍ତି ପ୍ରକାର – ସରକାରୀ କିମ୍ବା ବେସରକାରୀ କ୍ଷେତ୍ର, ଔଷଧ ପ୍ରଣାଳୀ ଏବଂ ରାଜ୍ୟ / କେନ୍ଦ୍ର ଶାସିତ ଅଞ୍ଚଳ ଯେଉଁଠାରୁ ଆବେଦନପତ୍ର ଗ୍ରହଣ କରାଯାଇଛି ସେହି ଆଧାରରେ ଡାଟା ପୃଥକ କରିଥାଏ।

ଏବିଡିଏମ୍‌ ସାର୍ବଜନୀନ ଡ୍ୟାସବୋର୍ଡରେ ଉପଲବ୍ଧ ବିସ୍ତୃତ ସୂଚନା ବ୍ୟତୀତ, ମୁଖ୍ୟ ଏବିଡିଏମ୍‌ ୱେବସାଇଟ୍ (https://abdm.gov.in/) ରେ ସମସ୍ତ ସଂଖ୍ୟା ସହିତ ସଂକ୍ଷିପ୍ତ ଭାବରେ ଏକ ସେକ୍‌ସନ ଅଛି | ଆହୁରି ମଧ୍ୟ, ଏବିଡିଏମ୍‌ ସ୍ୟାଣ୍ଡବକ୍ସ ପୋର୍ଟାଲରେ ଏକ ଡ୍ୟାସବୋର୍ଡ ବିଭାଗ ଅଛି (https://sandbox.abdm.gov.in/applications/Integrators) ଯାହା ଇଣ୍ଟିଗ୍ରେଟର / ସ୍ବାସ୍ଥ୍ୟ ବୈଷୟିକ ସେବା ପ୍ରଦାନକାରୀ / ଆପଗୁଡ଼ିକର ବିବରଣୀ ସେୟାର କରିଥାଏ ଯାହାକି ଏବିଡିଏମ୍‌ ସହିତ ସମନ୍ବିତ ହୋଇସାରିଛି ଏବଂ ଏବିଡିଏମ୍‌ ପାର୍ଟନର ଭାବରେ ପଞ୍ଜୀକୃତ ହୋଇଛି।

  • Website Designing